Mi vida en tus manos. Libro Laura Aneiros. Autora de (Valdoviño – Ferrol)

Laura Aneiros, presenta su primer libro, Mi vida en tus manos  ImagenMI VIDA EN TUS MANOS

A chegada de Laura Aneiros á escrita resulta unha consecuencia lóxica da súa afección pola lectura desde que era unha nena e do desexo de ser quen de plasmar nun libro as súas propias historias. Así naceu “Mi vida en tus manos”, a súa primeira novela, que hoxe mesmo se presenta no Carvalho Calero (ás oito da tarde), nun acto no que tamén participará a concelleira de Igualdade e Xuventude, Verónica Casal.
“Eu son lectora desde moi pequena e chega un punto no que me plantexo por que non podo ser eu quen decida os ires e vires dos protagonistas. Así comecei a plasmar unha idea”, explica.
Esa idea é a de contar a historia dunha muller, Mónica, “que se ve nun círculo vicioso no que o traballo é a súa prioridade absoluta e desatende o plano afectivo”. Aínda que ela é a protagonista, hai outra, coa que ten contacto “paranormal”, cuxa historia vital se vai desenvolvendo á par e que lle servirá de espello para tomar decisións sobre a súa propia vida.
Laura Aneiros mestura un ton realista coa fantasía para buscar a reflexión. Nas súas preferencias literarias, máis que os xéneros, o que lle gusta é que o lector se poida identificar e empatizar cos personaxes e co que lles ocorre. “Gústame cando invitan á reflexión, cando provocan emocións que dan pé a que saques as túas propias conclusións”.
A experiencia de escribir unha novela por primeira vez era “algo totalmente descoñecido para min” pero resultou “moi gratificante”. Laura Aneiros di estar “ilusionada” e tamén “con certo temor” ante a posibilidade de que o texto que compartira con algúns achegados pase agora a estar á disposición de calquera. Edítao con Finis Terrae (especializada en dar un oco ós autores noveis) e, ademais de venderse no acto de hoxe, pasará a estar dispoñible en diversas librerías de Ferrol e tamén en cadeas como Casa del Libro ou a través de internet.
E con “Mi vida en tus manos” a piques de empezar o seu propio camiño, Aneiros, que é profesora de Tecnoloxía e que vive en Ferrol aínda que naceu en Valdoviño, continúa escribindo. “Disfruto podendo dar pé a situacións e vidas diferentes que non teñen nada que ver coa túa”, di. n

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Salir /  Cambiar )

Google photo

Estás comentando usando tu cuenta de Google. Salir /  Cambiar )

Imagen de Twitter

Estás comentando usando tu cuenta de Twitter. Salir /  Cambiar )

Foto de Facebook

Estás comentando usando tu cuenta de Facebook. Salir /  Cambiar )

Conectando a %s

A %d blogueros les gusta esto: